Kastaði flöskum út á ferð

Farþegi í bíl í Vestmannaeyjum um helgina má búast við sekt frá lögreglu eftir að lögreglan hafði afskipti af honum eftir að hann kastaði flöskum út um glugga bílsins á ferð. Lögreglan segir það brot á lögreglusamþykkt.

Og á föstudagskvöld var lögreglunni í bænum tilkynnt um nytjastuld á bifreið sem stóð við Foldahraun. Fljótlega bárust böndin að tveimur sautján ára drengjum sem reyndar hafa ekki réttindi til aksturs bifreiða.

Höfðu þeir ekið bifreiðinni um bæinn og utan hans og varð eitthvað tjón á bifreiðinni vegna akstusmáta þeirra. Ekki er að fullu búið að upplýsa málið en það er í rannsókn.