Starfandi lögmönnum fjölgað um helming síðasta áratug

Á síðasta áratug hefur starfandi lögmönnum fjölgað um nær helming. Þeir eru nú rúmlega þúsund talsins. Engu að síður hefur ásókn í lagadeildir háskólanna aldrei verið meiri og því enn meiri fjölgun í stéttinni á næstu árum.

Þann áttunda maí síðastliðin voru félagsmenn í Lögmannafélagi Íslands rétt rúmlega þúsund talsins. Eins og sjá má hefur þessi tala farið hækkandi síðusta áratug. Frá aldamótum hefur starfandi lögmönnum fjölgað um tæplega helming.

Af þessum lögmönnum eru héraðsdómslögmenn 706 talsins og hæstaréttarlögmenn 295. Þá eru 464 lögmenn sjálfstætt starfandi á meðan 213 eru fulltrúar þeirra.

Hjá hinum ýmsu fyrirtækjum og stofnunum starfs 284 lögmenn, þar af 92 hjá ríki eða sveitarfélögum og 192 hjá fyrirtækjum og félagasamtökum.

Þá eru 40 lögmenn sem ekki stunda lögmannsstörf sökum aldurs, sjúkleika eða af öðrum ástæðum.

Þrátt fyrir þennan mikla fjölda lögmanna sem nú er starfandi í landinu eru aðeins 65 á atvinnuleysisskrá en ekki hefur orðið mikil breyting á þessum tölum síðustu misseri.

Vona er á að lögmönnum fjölgi verulega á næstu árum. Í Háskóla Íslands eru um 900 manns skráðir í lagadeild en alls útskrifuðust 123 úr deildinni fyrr í þessum mánuði, þar af 43 meistarar.

Sömu sögu má segja af Háskólanum í Reykjavík. Þar eru 480 skráðir til náms í lagadeild en 76 voru útskrifuðust á dögunum, þar á meðal 40 nemendur með meistaragráðu. Þá eru 254 skráðir til náms í lagadeild á Bifröst.