Sigríður Andersen inn fyrir Guðlaug Þór

Sigríður Á. Andersen, lögmaður og varaþingmaður Sjálfstæðisflokksins í Reykjavík, hefur tekið nú sæti á sumarþingi í stað Guðlaugs Þórs Þórðarsonar.

Einar K. Guðfinsson, forseti Alþingis, tilkynnti nú laust fyrir klukkan 14 að Guðlaugur Þór gæti ekki sinnt þingstörfum á næstunni og því tæki Sigríður Á. Andersen sæti hans.

Ekki voru gefnar skýringar á fjarveru Guðlaugs Þórs, en ekki náðist í hann í morgun.

Ragnheiður Ríkharðsdóttir, formaður þingflokks Sjálfstæðisflokksins, sagði í samtali við fréttastofu að Guðlaugur Þór væri í sumarfríi og þess vegna hefði hann tekið inn varamann.

Þess skal getið að þegar þingmenn boða varamenn missa þeir laun þann tíma sem þeir eru fjarverandi.