Frakkar gefa út fluguna sem stöðvaði stríðið

Næst stærsta barnabókaforlag Frakklands, Bayard Jeunesse, hefur fest kaupin á útgáfuréttinum á bók Bryndísar Björgvinsdóttur um fluguna sem stöðvaði stríðið.

Forlagið selur árlega um sex milljónir eintaka bóka sinna. Forlagið hyggst gefa bókina út senmma árs 2015 og dreifa henni um hinn frönskumælandi heim.

Flugan sem stöðvaði stríðið tvinnar saman mikilvægan boðskap og dillandi skemmtilega frásögn. Bókin hlaut íslensku barnabókaverðlaunin 2011 og var tilnefnd til Fjöruverðlaunanna.

Bryndís Björvinsdóttir er þjóðfræðingur að mennt og starfar meðal annars við rannsóknarstörf og kennslu.