Örtröð var í stjórnstöð Landhelgisgæslunnar undir morgun þegar hundruð smábáta streymdu út úr höfnum umhverfis allt landið, en þeir verða allir að tilkynna stjórnstöðinni um það.
Starfsmenn þar voru þessu viðbúnir og hafði auka maður verið kallaður út til að mæta álaginu.
Bæði er nýtt strandveiðitímabil að hefjast og við það bætist að frá og með deginum í dag mega smábátar líka hefja markílveiðar.
Rúmlega 200 smábátar hafa sótt um leyfi til þeirra veiða, sem er sprenging frá því í fyrra, þegar aðeins 17 smábátar stunduðu makrílveiðar.
