Uppsögn Láru Hönnu dregin til baka

Að gefnu tilefni vill 365 koma á framfæri eftirfarandi fréttatilkynningu.

Við hörmum þau óvönduðu vinnubrögð sem áttu sér stað við uppsögn á verktakasamningi Láru Hönnu Einarsdóttur. Félagið vill einnig benda á að framkvæmdarstjórn félagsins var ekki kunnugt um veikindi Láru Hönnu.

Eins og komið hefur fram hafa breytingar átt sér stað hjá 365 miðlum sem hafa m.a. falið í sér að fastráða fleiri þýðendur og um leið fækka verktökum. Uppsagnir verktaka hafa þ.a.l. verið liður í endurskipulagningu fyrirtækisins. Stöður þýðenda voru einnig auglýstar til umsóknar.

365 mun fara fyrir yfir verkferla á þessum uppsögnum.

Framkvæmdastjóri Fjarskipta- og tæknisviðs hefur rætt við Láru Hönnu Einarsdóttur og greint henni frá tilurð málsins og vilja til að leysa málið með farsælum hætti. Uppsögnin hefur tafarlaust verið dregin til baka.

Fyrir hönd 365

Erling Freyr Guðmundsson

Framkvæmdastjóri Fjarskipta- og tæknisviðs