Erilsöm nótt hjá lögreglu

Í dagbók lögreglunnar segir frá bifreið sem ekið var út af við Hlégarð. Tveir karlmenn um tvítugt voru í bifreiðinni ásamt stúlku á svipuðu reki. Piltarnir hlupu af vettvangi en voru handteknir skömmu síðar og verða yfirheyrðir þegar þeir verða í ástandi til þess. Stúlkan var ekki grunuð um að hafa ekið bílnum og sór því frjáls ferða sinna.

Þá valt bifreið á Krísuvíkurvegi við Bláfjallaafleggjarann. Ökumaðurinn, sem er karlmaður á fertugsaldri, var einn í bílnum og er töluvert lemstraður en talinn óbrotinn. Beita þurfti klippum til að ná honum úr bílnum. Tildrög óhappsins voru þau að bifreiðin fór í lausamöl á vegöxl.

Tvær líkamsárásir voru einnig tilkynntar í gærkvöldi. Rúmlega tvítugur maður var handtekinn eftir átök á skemmtistað og látinn sofa úr sér í fangageymslu.

Um klukkan hálf fjögur fóru piltar úr bifreið á Sóleyjargötu og veittust að gangandi vegfarendum. Nokkur ungmenni leituðu á slysadeild eftir árásina. Tveir árásarmannanna voru handteknir í Árbæ. Einn er undir lögaldri en hinn rúmlega tvítugur.