Srna: Íslendingar sýndu karakter og baráttu

„Úrslitin voru ekki vonbrigði því við fengum ekki mark á okkur,“ sagði bakvörðurinn Dario Srna, landsliðsfyrirliði Króatíu, eftir jafnteflið gegn Íslandi í kvöld.

Þetta var fyrri leikurinn í umspilseinvígi liðanna en liðin mætast í Zagreb á þriðjudaginn.

„Við vorum manni fleiri í 35 mínútur en ég tel að það henti okkur betur að spila ellefu gegn ellefu frekar en ellefu gegn tíu. Íslendingar sýndu mikinn karakter og baráttu eftir rauða spjaldið,“ sagði Srna.

„En það er enn eftir einn leikur í Zagreb og ég tel að þetta verði annar leikur í Zabreg.“

Viðtalið má sjá í heild sinni hér fyrir ofan.