Það er sama hversu "ljótur" maður vaknar - það hverfur allt með þessu meiki

Elma Karen förðunarfræðingur upplýsir okkur hvaða snyrtivörur hún getur ekki verið án. Elma spáir mikið í kremum og snyrtivörum sökum starfsins en hún þekkir förðunartrixin á því leikur enginn vafi.

Mineralize Satinfinish spf 15 Frá MAC

"Þegar árin fara að færast yfir mann þá fer húðin að missa þennan náttúrulega ljóma sem fylgir æskuárunum. Með því að púðra húðina þá undirstrikar maður í raun aldurinn. Ætli það sé ekki þess vegna sem ég get bara ekki fundið mér neitt annað meik en þetta létta steinefnameik með ljóma frá MAC. Það gefur ekki bara fallega áferð, ef maður notar bursta til að bera það á með, og ljóma heldur nærir það húðina því það er stútfullt af náttúrulegum steinefnum. Það er sama hversu "ljótur" maður vaknar - það hverfur allt með þessu meiki."

Prep+Prime Transparent Finishing Powder frá MAC

"Þar sem ég er mjög á móti því að maka á sig mikið af púðri þá vil ég benda á að púður og púður er ekki það sama. Þetta er eins og töfraduft, það er ekki sýnilegt á húðinni og gerir mann ekki "gamlann". Ég nota það yfir farðann eða alveg í lokin á förðuninni set ég það á T svæðið hjá mér. Það hálf mattar, tekir glans en skilur eftir ljómann, sest ekki í fínar línur eins og púður á það til með að gera og þá lítur maður út fyrir að vera 20 árum eldri en maður er, heldur er alveg ósýnilegt. Það sem mér finnst samt aðal málið er það það fær förðunina til að haldast miklu lengur. Þetta er eitt af leyndarmálunum sem svo fáir vita af."

Bumbuolían frá Jurtaapótekinu

"Þar sem ég er barnshafandi þá spái ég mikið í húðinni á líkamanum og hvað er hægt að gera til að styrkja hana á þessum þrautartímum þar sem mikið álag er á húðinni. Það er til þónokkuð af olíum á markaðnum sem eru fyrir konur til að bera á bumbuna, það sem ég hef hinsvegar rekið mig á er að það er oft svo hræðilega sterk lykt af þeim. Það er ein olía sem ég hef fundið sem er með mildum ilmi og og góðum. Meira að segja finnst manninum mínum þetta mjög góð lykt. Þetta er bumbuolían frá Jurtaapótekinu á Laugaveginum. Hún er stútfull af næringarmiklum ilmkjarnaolíum sem græða og endurnæra húðina, Rósaberjaolíu sem stuðla að endurnýjun og er fyrirbyggjandi þegar kemur að slitum og örum. Bara æðisleg olía sem græðir sár og exem líka."

Anti Gravity Frá Kevin Murphy

"Fyrir okkur sem erum með ótrúlega fíngert hár þá er oft mikill vandi að fá það til að líta út eins og það sé nokkuð líf í því yfir höfuð. Anti Gravity er olíulaust og alveg fullkomið fyrir fíngert hár til að fá í það smá líf. Ég hef prufað svo margt í hárið en það er ótrúlega erfitt að fá þennan gullna milliveg að fá líf í hárið en án þess að þyngja það. Ég set pínulítið af þessu efni í hárið, þá rótina aðalega eftir sturtu og blæs það svo. Ef ég ætla að setja eitthvað í hárið á mér sem venjulega rennur úr hárinu, til dæmis krullur eða liðir, á hálftíma, þá nota ég þetta efni og liðirnir haldast bara og haldast. Elska þetta efni."

Varasalvinn Frá Jurtaapótekinu

"Þessi varasalvi sem er einnig frá jurtaapótekinu er einn sá besti sem ég hef komist í. Ég verð eiginlega að segja af hverju líka því það eru svo margir að bera á varirnar eitthvað sem gerir hreinlega ekkert fyrir þær. Það er mikið um varasalva sem eru með innihaldsefnum sem eru bara skyndilausnir og þess vegna verður maður "háður þeim". Það eru efni sem virka sem filma en næra í raun ekki varirnar. Vaselín er líka þannig og er bara filma. Þessi varasalvi er fullur af næringu, gefa góða vörn og er bakteríudrepandi. Þetta er eini varasalvinn sem eykur ekki á þurkinn og hreinlega lagar hann. Ég nota hann mjög mikið bæði á mig börnin mín og í vinnunna. Hann er líka frábær á þurra olnboga."