Ás­laug selur glæsiíbúð í Reykja­vík

Áslaug keypti eignina árið 2018 fyrir 71 milljón króna. Hún á einnig stærri eign í húsinu sem er 306 fermetra að stærð á tveimur hæðum. Þá eign keypti hún árið 2014 fyrir 90 milljónir.

Formfagrir gluggar og heillandi karakter

Umrædd íbúð skiptist í eldhús, samliggjandi stofu og borðstofu, þvottahús, baðherbergi og tvö svefnherbergi. Útgengt er úr stofunni í sameiginlegan fallegan og gróinn garð. Þá fylgir leyfi til að reisa 12,8 fermetra garðskála á lóðinni.

Aðgengi að íbúðinni er um sérinngang sem liggur meðfram hægri hlið hússins. Langur gangur tengir helstu íverurými íbúðarinnar.

Stofa og borðstofa er bjart og opið með gluggum á tvo vegu. Borðstofan er innst í rýminu með bogadregnum, stórum frönskum gluggum.

Eldhúsið hefur verið endurnýjað með fallegum hvítum innréttingum og steingrárri borðplötu. Fyrir miðju er rúmgóð eyja sem hægt er að sitja við.

Á gólfum er gegnheilt reykt eikarparket, að undanskildum votrýmum.

Nánari upplýsingar á fasteignavef Vísis.