Geysir með fegursta jólagluggann

Jón Gnarr og Jakob Frímann veittu í gær viðurkenningu þeim þremur rekstraraðilum í miðborginni sem hlutskarpastir urðu í samkeppninni Fegursti jólaglugginn 2014. Þeir sem hlutu viðurkenningarnar voru Herrafataverslun Kormáks og Skjaldar á Hverfisgötu & Laugavegi, Hrím hönnunarhús á Laugavegi  og Geysir á Skólavörðustíg.

Miðborgin okkar og Reykjavíkurborg hafa árum saman staðið sameiginlega að verkefninu.

Geysir hreppti sjálf aðalverðlaunin sem fela í sér einnar klukkustundar þjónustu borgarstjórans Jóns Gnarr í hlutverki afgreiðslumanns.

Jón Gnarr hefur ekki áður starfað sem afgreiðslumaður ef frá er talið hlutverk hans sem besnínafgreiðslumaður í Næturvaktinni. Jón upplýsti það reyndar við afhendinguna á gær að 8 ára sonur hans hefði hvatt hann til að sækja um starf sem afgreiðslumaður í Krónunni sökum þess hve hress og mannblendinn hann væri.

Nánar verður tilkynnt um eftir helgi hvenær borgarstjórinn tekur sér frí frá störfum sínum í Ráðhúsinu til að afgreiða í verlsuninni Geysi við Skólavörðustíg.