Blikar selja Sverri til Viking

Varnarmaðurinn sterki Sverrir Ingi Ingason er á leið í atvinnumennsku en Breiðablik hefur samþykkt tilboð frá norska liðinu Viking í miðvörðinn.

Sverrir var til skoðunar hjá liðinu á dögunum og sló augljóslega í gegn þar sem Breiaðblik er nú búið að selja hann.

Leikmaðurinn mun nú setjast að samningaborðinu við forráðamenn norska liðsins og ef ekkert óvænt kemur upp á mun hann ganga í raðir norska liðsins að því er segir í fréttatilkynningu frá Blikum.

Sverrir Ingi átti frábært tímabil með Blikum í Pepsi-deildinni og lék einnig vel fyrir íslenska U-21 árs liðið á árinu.