Umfjöllun, viðtöl og einkunnir: Valur - Breiðablik 1-1 | Evrópudraumur Blika lítill Kolbeinn Tumi Daðason skrifar 13. september 2013 09:31 Valur og Breiðablik gerðu 1-1 jafntefli í viðureign liðanna í 19. umferð Pepsi-deildar karla í kvöld. Vonir Blika um sæti í Evrópukeppni á næsta ári eru litlar fyrir vikið. Fátt markvert hafði gerst þegar Valsmenn náðu góðri sókn. Kristinn Freyr Sigurðsson fékk boltann inni á teig þar sem Elfar Freyr Helgason renndi sér. Niður fór Kristinn og réttilega dæmt víti. Fasteignasalinn Magnús Már Lúðvíksson setti boltann neðst í markhornið og kom heimamönnum yfir. Blikar áttu nokkrar góðar sóknir í hálfleiknum. Ellert Hreinsson fékk tvö dauðafæri til að skora en nýtti þau ekki. Það var hins vegar Árni Vilhjálmsson sem jafnaði metin á 41. mínútu með þrumuskoti með vinstri fæti. Árni kominn með sex mörk í deildinni í sumar en framherjinn setti markmiðið á tíu mörk eftir tvö í fyrstu umferðinni. Blikar blésu til stórsóknar í síðari hálfleik. Þeir fengu fjölmörg færi á fyrsta stundarfjórðungnum en tókst ekki að nýta þau. Valsmenn voru í miklu basli en fengu mögulega besta færi leiksins seint í honum. Þá skallaði Bjarni Ólafur Eiríksson framhjá af markteig eftir aukaspyrnu Magnúsar Más. Blikar reyndu hvað þeir gátu til að ná sigurmarkinu seint í leiknum og þá opnaðist leikurinn verulega. Hvorugu liðinu tókst þó að nýta sér það til fulllnustu og urðu að sætta sig við eitt stig. Blikar voru öllu fúlari þegar flautað var af enda voru þeir nær stigunum þremur. Blikar sitja í 4. sæti deildarinnar með 33 stig eftir leikinn en Valsmenn hafa 28 stig í 5. sæti. Ólafur Kristjáns: Fjarlægðumst Evrópusætið heldur mikið í kvöldÞjálfari Blika var sáttur við spil sinna manna á vellinum. Hann var hins vegar ósáttur við skilvirknina í teig Valsmanna. „Upp við markið erum við hvorki nógu skarpir né nógu gráðugir. Það er svona okkar saga í undanförnum leikjum,“ sagði Ólafur. Fjórir sterkir leikmenn Blika tóku út leikbann í dag. „Mér fannst þeir sem komu inn spila bærilega og ekki hægt að klína neinu á þá. Auðvitað munar um þá fjóra sem vantaði. Þeir voru hins vegar í liðinu í síðasta leik og þá töpuðum við 4-1. Þetta snýst meira um hópinn í heild. Við skorum ekki nægilega mörg mörk þrátt fyrir að skapa okkur færi.“ Möguleiki Blika á 3. sætið í deildinni og þátttökurétt í Evrópudeildinni á næsta ári minnkaði með jafnteflinu í kvöld. „Segja menn ekki alltaf að á meðan tölfræðilegur möguleiki er á að ná því sem stefnt er að þá heldur maður áfram? Ég held að það sé það sem við þurfum að gera, gera okkar og svo spilast kannski eitthvað upp í hendurnar á okkur. En við fjarlægðumst þetta svolítið mikið í kvöld.“ Maggi Gylfa: Fjórir stórleikir eftir„Ég held að úrslitin hafi verið sanngjörn. Mér fannst við hafa tökin þegar þeir skoruðu rétt fyrir hálfleik sem var kjaftshögg fyrir okkur,“ segir Magnús Gylfason þjálfari Valsmanna. Magnúsi fannst hans menn fá fín upphlaup í síðari hálfleik, þar sem Blikar voru þó sterkari, en vantaði upp á að menn vönduðu sig. „Ég hélt að Bjarni væri að klára þetta í lokin í dauðafæri en það kom ekki,“ sagði Magnús um færið sem Bjarni Ólafur Eiríksson fékk seint í leiknum. Skalli hans fór framhjá. Jafnteflið var það áttunda hjá Val í átján leikjum. Magnús viðurkennir að þau séu dýr, þeir hefðu getað landað þremur stigum í öllum leikjunum. Þeir hefðu hins vegar getað fallið á hinn veginn líka. En hafa Valsmenn að einhverju að keppa? „Menn eru bara fótboltamenn og þurfa að halda haus, halda áfram og spila leikina. Það eru fjórir stórleikir fyrir okkur og margt að keppa að. Það kemur ár eftir þetta og þá þarf að byggja upp og taka skrefið fram á við.“ Valsarar söknuðu Hauks Páls Sigurðarsonar sem tók út leikbann. „Hann er okkar fyrirliði og mikill karakter. Hefði kannski komið með þetta aukalega sem vantaði í lokin.“ Árni: Stefni á tíu mörk í öllum keppnum„Við hefðum viljað fá þrjú stig í dag. Miðað við færin hefðum við átt að pota inn seinna markinu en það tókst ekki í dag,“ sagði markaskorari Blika. „Við erum að æfa vel og skorum mikið á æfingum. Í dag vorum við kannski ekki nógu einbeittir í færunum. Við eigum að gera betur en því miður tókst það ekki,“ sagði Árni. Hann vildi þó ekki meina að Blikar væru að taka út mörkin sín á æfingum. „Nei, ég held nú ekki. Þetta kemur vonandi í næsta leik,“ sagði Árni sem skoraði sitt sjötta mark í deildinni í sumar. Eftir fyrsta deildarleikinn í maí, þegar Árni skoraði tvö mörk, sagðist hann setja markið á tíu mörk í öllum keppnum. „Það hefði verið óraunhæft markmið að ætla að skora tíu mörk í deildinni sitt fyrsta tímabil. Tíu mörk yfir sumarið í öllum keppnum var mitt markmið og ég stefni á það.“ Pepsi Max-deild karla Mest lesið Bakgarðshlaupið í beinni útsendingu Sport Áflogaseggir fá ekki að mæta aftur á völlinn Körfubolti Stórfurðuleg atburðarás þegar markvörður KR sá rautt Íslenski boltinn Þambar kakó og rjóma eftir magnað afrek: „Upp og niður eins og lífið“ Sport Þorleifur horfði á Íslandsmet sitt falla: „Kom á óvart“ Sport Freyr nærri kraftaverki: „Þetta var fokking taugatrekkjandi“ Fótbolti Baunað á Brady: „Þín verður ávallt minnst sem tíkar Eli Manning“ Sport Dómarinn verður með myndavél á höfðinu Enski boltinn Aðeins einum leik frá ótrúlegu meti Fótbolti Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Fleiri fréttir Í beinni: Breiðablik - Valur | Mikil pressa á gestunum Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek” „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum FH-ingar kynna besta lið sögunnar Stórleikur á Samsung-vellinum og meistararnir fara í Mosó Rúnar Már fann neistann Eftirminnileg Skotlandsferð FC Sækó: Spiluðu við Celtic og heimsóttu Hampden Park „Við áttum slæman dag og þær góðan dag“ Sjá meira
Valur og Breiðablik gerðu 1-1 jafntefli í viðureign liðanna í 19. umferð Pepsi-deildar karla í kvöld. Vonir Blika um sæti í Evrópukeppni á næsta ári eru litlar fyrir vikið. Fátt markvert hafði gerst þegar Valsmenn náðu góðri sókn. Kristinn Freyr Sigurðsson fékk boltann inni á teig þar sem Elfar Freyr Helgason renndi sér. Niður fór Kristinn og réttilega dæmt víti. Fasteignasalinn Magnús Már Lúðvíksson setti boltann neðst í markhornið og kom heimamönnum yfir. Blikar áttu nokkrar góðar sóknir í hálfleiknum. Ellert Hreinsson fékk tvö dauðafæri til að skora en nýtti þau ekki. Það var hins vegar Árni Vilhjálmsson sem jafnaði metin á 41. mínútu með þrumuskoti með vinstri fæti. Árni kominn með sex mörk í deildinni í sumar en framherjinn setti markmiðið á tíu mörk eftir tvö í fyrstu umferðinni. Blikar blésu til stórsóknar í síðari hálfleik. Þeir fengu fjölmörg færi á fyrsta stundarfjórðungnum en tókst ekki að nýta þau. Valsmenn voru í miklu basli en fengu mögulega besta færi leiksins seint í honum. Þá skallaði Bjarni Ólafur Eiríksson framhjá af markteig eftir aukaspyrnu Magnúsar Más. Blikar reyndu hvað þeir gátu til að ná sigurmarkinu seint í leiknum og þá opnaðist leikurinn verulega. Hvorugu liðinu tókst þó að nýta sér það til fulllnustu og urðu að sætta sig við eitt stig. Blikar voru öllu fúlari þegar flautað var af enda voru þeir nær stigunum þremur. Blikar sitja í 4. sæti deildarinnar með 33 stig eftir leikinn en Valsmenn hafa 28 stig í 5. sæti. Ólafur Kristjáns: Fjarlægðumst Evrópusætið heldur mikið í kvöldÞjálfari Blika var sáttur við spil sinna manna á vellinum. Hann var hins vegar ósáttur við skilvirknina í teig Valsmanna. „Upp við markið erum við hvorki nógu skarpir né nógu gráðugir. Það er svona okkar saga í undanförnum leikjum,“ sagði Ólafur. Fjórir sterkir leikmenn Blika tóku út leikbann í dag. „Mér fannst þeir sem komu inn spila bærilega og ekki hægt að klína neinu á þá. Auðvitað munar um þá fjóra sem vantaði. Þeir voru hins vegar í liðinu í síðasta leik og þá töpuðum við 4-1. Þetta snýst meira um hópinn í heild. Við skorum ekki nægilega mörg mörk þrátt fyrir að skapa okkur færi.“ Möguleiki Blika á 3. sætið í deildinni og þátttökurétt í Evrópudeildinni á næsta ári minnkaði með jafnteflinu í kvöld. „Segja menn ekki alltaf að á meðan tölfræðilegur möguleiki er á að ná því sem stefnt er að þá heldur maður áfram? Ég held að það sé það sem við þurfum að gera, gera okkar og svo spilast kannski eitthvað upp í hendurnar á okkur. En við fjarlægðumst þetta svolítið mikið í kvöld.“ Maggi Gylfa: Fjórir stórleikir eftir„Ég held að úrslitin hafi verið sanngjörn. Mér fannst við hafa tökin þegar þeir skoruðu rétt fyrir hálfleik sem var kjaftshögg fyrir okkur,“ segir Magnús Gylfason þjálfari Valsmanna. Magnúsi fannst hans menn fá fín upphlaup í síðari hálfleik, þar sem Blikar voru þó sterkari, en vantaði upp á að menn vönduðu sig. „Ég hélt að Bjarni væri að klára þetta í lokin í dauðafæri en það kom ekki,“ sagði Magnús um færið sem Bjarni Ólafur Eiríksson fékk seint í leiknum. Skalli hans fór framhjá. Jafnteflið var það áttunda hjá Val í átján leikjum. Magnús viðurkennir að þau séu dýr, þeir hefðu getað landað þremur stigum í öllum leikjunum. Þeir hefðu hins vegar getað fallið á hinn veginn líka. En hafa Valsmenn að einhverju að keppa? „Menn eru bara fótboltamenn og þurfa að halda haus, halda áfram og spila leikina. Það eru fjórir stórleikir fyrir okkur og margt að keppa að. Það kemur ár eftir þetta og þá þarf að byggja upp og taka skrefið fram á við.“ Valsarar söknuðu Hauks Páls Sigurðarsonar sem tók út leikbann. „Hann er okkar fyrirliði og mikill karakter. Hefði kannski komið með þetta aukalega sem vantaði í lokin.“ Árni: Stefni á tíu mörk í öllum keppnum„Við hefðum viljað fá þrjú stig í dag. Miðað við færin hefðum við átt að pota inn seinna markinu en það tókst ekki í dag,“ sagði markaskorari Blika. „Við erum að æfa vel og skorum mikið á æfingum. Í dag vorum við kannski ekki nógu einbeittir í færunum. Við eigum að gera betur en því miður tókst það ekki,“ sagði Árni. Hann vildi þó ekki meina að Blikar væru að taka út mörkin sín á æfingum. „Nei, ég held nú ekki. Þetta kemur vonandi í næsta leik,“ sagði Árni sem skoraði sitt sjötta mark í deildinni í sumar. Eftir fyrsta deildarleikinn í maí, þegar Árni skoraði tvö mörk, sagðist hann setja markið á tíu mörk í öllum keppnum. „Það hefði verið óraunhæft markmið að ætla að skora tíu mörk í deildinni sitt fyrsta tímabil. Tíu mörk yfir sumarið í öllum keppnum var mitt markmið og ég stefni á það.“
Pepsi Max-deild karla Mest lesið Bakgarðshlaupið í beinni útsendingu Sport Áflogaseggir fá ekki að mæta aftur á völlinn Körfubolti Stórfurðuleg atburðarás þegar markvörður KR sá rautt Íslenski boltinn Þambar kakó og rjóma eftir magnað afrek: „Upp og niður eins og lífið“ Sport Þorleifur horfði á Íslandsmet sitt falla: „Kom á óvart“ Sport Freyr nærri kraftaverki: „Þetta var fokking taugatrekkjandi“ Fótbolti Baunað á Brady: „Þín verður ávallt minnst sem tíkar Eli Manning“ Sport Dómarinn verður með myndavél á höfðinu Enski boltinn Aðeins einum leik frá ótrúlegu meti Fótbolti Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Fleiri fréttir Í beinni: Breiðablik - Valur | Mikil pressa á gestunum Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek” „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum FH-ingar kynna besta lið sögunnar Stórleikur á Samsung-vellinum og meistararnir fara í Mosó Rúnar Már fann neistann Eftirminnileg Skotlandsferð FC Sækó: Spiluðu við Celtic og heimsóttu Hampden Park „Við áttum slæman dag og þær góðan dag“ Sjá meira