Landsnet áformar að leggja raforkulínu yfir hálendið

Kostnaður af því að láta raforkukerfi landsins reka á reiðanum er líklega 6,1 milljarður króna á ári. Þetta kemur fram í skýrslu sem Jón Vilhjálmsson hjá EFLU og Friðrik Már Baldursson, prófessor við Háskólann í Reykjavík, hafa unnið fyrir Landsnet.

Niðurstaða skýrslunnar er að ef flutningskerfið verði ekki eflt getur kostnaður þjóðfélagsins naumið á bilinu 36-144 milljörðum fram til ársins 2040. Óbreytt flutningskerfi er sagt hamla vexti raforkunotkunar, valda minni hagvexti og hafa áhrif á byggðarþróun. Einnig telja skýrsluhöfundar ljóst að raforkunotendur muni á næstu árum koma til með að upplifa tíðara rafmagnsleysi.

Guðmundur Ingi Ásmundasonar, aðstoðarforstjóri Landnets, segir niðurstöður skýrslunnar ekki koma á óvart. Hann telur mikilvægt að bregðast strax við og hefja uppbyggingu.

„Við vissum að það stefndi í óefni ef ekkert yrði að gert,“ segir Guðmundur. „Það þarf að styrkja byggðarlínukerfið sem hefur ekki verið unnið að í 30 ár. Við höfum verið að kynna undanfarið nýjar áherslur, það þarf kannski að ráða bót á vandanum með skjótvirkari hætti og þar höfum við verið að huga að því að setja jafnvel línu yfir hálendið til að tengja betur landshlutana fyrr en ella.“