Bak við tjöldin á Drullastu myndböndunum

Verkefnið Drullastu til að leggja góðu málefni lið hefur vakið mikla athygli síðustu tvær vikurnar.

Gerð voru fjöldi myndbanda til að vekja athygli á verkefninu þar sem þekktir Íslendingar létu henda drullu yfir sig til að styðja gott málefni. Síðan myndböndin fóru í loftið hér á Vísi hefur verið horft á þau um fjörutíu þúsund sinnum.

Drullumyndböndin eru gerð til að vekja athygli á síðunni VISIR.IS/DRULLASTU en fram að Verslunarmannahelgi fer þar fram kosning þar sem almenningur getur haft áhrif á það hvernig milljón króna góðgerðarsjóður skiptist á milli fjögurra góðgerðarfélaga.

Framleiðslufyrirtækið Tjarnargatan stendur á bak við verkefnið og í myndbandinu hér að neðan er hægt að skyggnast bak við tjöldin á því þegar Drullastu myndböndin voru tekin upp. Einnig er hægt að sjá myndbandið á sjónvarpsvef Vísis en eins og gefur að skilja einkenndi mikil gleði tökurnar.





Verkefnið er sett af stað af Mýrarboltanum í tilefni af hinu árlega Mýrarboltamóti á Ísafirði um Verslunarmannahelgina. Landsbankinn, Avis og Carlsberg lögðu til milljón króna góðgerðasjóðinn sem skiptist hlutfallslega á milli félaganna fjögurra eftir atkvæðafjölda.

Netverjar eru síðan eindregið hvattir til að deila vali sínu í kosningunni áfram með Facebook-vinum sínum til að flestir láti til sín taka í valinu á milli félaga.

Taktu þátt hér!

Hér fyrir neðan má sjá nokkur vinsæl drullumyndbönd sem gengið hafa manna á milli á netinu síðustu vikurnar.

Heiða Kristín Helgadóttir, framkvæmdastjóri Besta flokksins, reynir eftir fremsta megni að skýla sig fyrir drullunni en fær það samt sem áður óþvegið í nafni Barnaheilla.  





Steindi Jr. er fær í flestan sjó en verður þó meira en lítið undrandi þegar drullan skellur á honum. Hann tekur þó skellinn með stæl og gerir það fyrir ADHD samtökin:





Edda Sif Pálsdóttir íþróttafréttamaður lætur sig vaða í drulluna til styrktar Barnaheillum.





Hildur Lilliendahl er líklega ein sú allra sjóaðasta í því að taka við skítkasti úr hinum ýmsu áttum. Hér er hún hinsvegar að upplifa nýja og bókstaflegri útfærslu af fyrirbærinu. Hildi líkar það ekkert sérstaklega illa, enda stendur hún í þessu fyrir gott málefni og leggur sín lóð á vogarskálarnar fyrir Þroskahjálp. 



Hægt er að horfa á öll Drullastu myndböndin hér á sjónvarpssíðu Vísis.

Við hvetjum einnig alla til að taka þátt í því að úthluta peningunum til góðgerðarfélaganna. Það kostar ekkert að taka þátt hér á visir.is/drullastu.