Frægir Íslendingar láta drulla yfir sig

Hver er ekki til í smádrullu fyrir gott málefni?

Að minnsta kosti ekki þeir tugir einstaklinga sem tóku þátt í skemmtilegu drulluverkefni á vegum Mýrarboltans og Vísis. Þessir snillingar áttu ekki í nokkrum vandræðum með að láta drulla yfir sig og eru myndbönd af öllu þessu fólki byrjuð að vekja mikla athygli.

Drullumyndböndin eru gerð til að vekja athygli á síðunni VISIR.IS/DRULLASTU en fram að Verslunarmannahelgi fer þar fram kosning þar sem almenningur getur haft áhrif á það hvernig milljón króna góðgerðarsjóður skiptist á milli fjögurra góðgerðarfélaga.

ADHD samtökin, Barnaheill – Save the Children á Íslandi, MND félagið á Íslandi og Þroskahjálp taka einnig þátt í þessu skemmtilega verkefni hér á Vísi og eru stuðningsmenn félaganna nú þegar byrjaðir að leggja sín lóð á vogarskálarnar með því að veita þeim sitt atkvæði.

Það er sáraeinfalt að taka þátt og kostar ekkert nema atkvæðið.

Taktu þátt hér!





Nú þegar eru nokkur drullumyndbönd farin á flug, meðal annars af Hildi Lilliendahl, Ívari Guðmunds, Ásgeiri Kolbeins, Áslaugu Örnu, Maríu Rut og Gísla Marteini.

Hægt er að skoða þau öll hér á Vísir Sjónvarp.

Á næstu dögum er síðan von á fleiri drullumyndböndum hingað á Vísi þar sem fleiri þjóðþekktir einstaklingar leggja sitt af mörkunum, hver og einn í nafni eins af hinum fjórum góðgerðarfélögum.







Verkefnið er sett af stað af Mýrarboltanum í tilefni af hinu árlega Mýrarboltamóti á Ísafirði um Verslunarmannahelgina. Landsbankinn, Avis og Carlsberg lögðu til milljón króna góðgerðasjóðinn sem skiptist hlutfallslega á milli félaganna fjögurra eftir atkvæðafjölda. Fyrirtækið Tjarnargatan útfærði hugmyndina að verkefninu.

Netverjar eru síðan eindregið hvattir til að deila vali sínu í kosningunni áfram með Facebook-vinum sínum til að flestir láti til sín taka í valinu á milli félaga.

Taktu þátt hér!