Munurinn á Fischer og Snowden

Birgitta Jónsdóttir, þingmaður Pírata, bendir á það í nýrri Facebookfærslu, þá væntanlega með vísan til afgreiðslu Hönnu Birnu Kristjánsdóttur á umleitan Edwards Snowden þess efnis að fá hér pólitískt hæli, að Bobby Fischer hafi ekki verð á Íslandi þegar honum var veittur ríkisborgararéttur. Komið hefur fram að WikiLeaks sé að vinna í málum Snowdens.

"Hann sat í fangelsi í Japan vegna þess að vegabréfið hans var útrunnið. Ákvörðunin um að gera hann að íslenskum ríkisborgara var pólitísk. Ég fylgdist vel með enda að vinna hjá Hróknum á þessum tíma og sá um að setja upp og halda við undirskriftarlistanum Free Bobby," segir Birgitta.

Hún bendir jafnframt á að fjölmörg dæmi séu um fyrirgreiðslu er varðar ríkisborgararétt þegar um íþróttamenn sé að ræða, svo þeir geti keppt með landsliðinu.