Fleiri gegn breyttu veiðigjaldi en fjölmiðlalögunum

Fleiri hafa skrifað nafn sitt á lista gegn breyttu frumvarpi um veiðigjald heldur en skrifuðu undir áskorun handa forseta Íslands vegna fjölmiðlalaganna árið 2004.

Rétt rúmlega 33 þúsund hafa skrifað nafn sitt á listann þegar þetta er skrifað en árið 2004 var Ólafi Ragnari Grímssyni, forseta Íslands, afhentar rétt tæplega 32 þúsund undirskriftir vegna fjölmiðlalaganna.

Eins og kunnugt er synjaði Ólafur Ragnar fjölmiðlalögunum staðfestingar. Málið rataði þó aldrei í þjóðaratkvæðagreiðslu þar sem ríkisstjórn Sjálfstæðisflokks og Framsóknar drógu frumvarpið til baka.

InDefence eiga þó Íslandsmetið í undirskriftarsöfnun en árið 2010 afhentu þeir forsetanum 56 þúsund undirskriftir gegn Icesave sem varð til þess að hann synjaði lögunum staðfestingar. Síðar söfnuðust 38 þúsund undirskriftir gegn Icesave og endurtók þá forsetinn leikinn.