Kvenlegur Brynjar Níelsson

"Áhugaverð umæðan um karlavesenið á evrópuráðsþinginu," skrifar Brynar Níelsson alþingismaður. Hann hefur fundið sér stund milli stríða til að setja inn athugasemd á Facebooksíðu sína en hann er nú staddur í Strassborg ásamt með Ögmundi Jónassyni og Karli Garðarssyni alþingismönnum.

Nokkur umræða hefur orðið um íslensku sendinefndina á sumarþingi Evrópuráðsins en nefndin er einungis skipuð karlmönnum sem mun vera brot á relgum um kynjakvóta ráðsins. Hlutfall kvenna skal spegla hlutfall á þjóðþingi og skal í það minnsta ein kona vera í hverri nefnd. Leiðarahöfundur Fréttablaðsins gerir sér mat úr málinu en Brynjar gantast með þetta:

"Hér úti í Strassborg sitjum við þrír karlarnir, kosnir af alþingi þótt leiðarahöfundur Fréttablaðsins virðist halda að ríkisstjórnin hefði eitthvað með það að gera. Til að leysa vandamálið kom upp sú tillaga að setja einn okkar í skautbúning og smá varalit og vona að hið lýðræðslega evrópuráðsþing myndi láta blekkjast. Sumir töldu búninginn hæfa Ögmundi best enda elstur. Aðrir lögðu til Karl Garðarsson þar sem hann væri með flest grá hár. Síðan vildu aðrir að ég færi í skautbúninginn enda með kvenlegasta vöxtinn. Nú er spurning hver okkar dregur stystu eldspýtuna."