Ban Ki-moon á leið til Íslands í boði utanríkisráðherra

Ban Ki-moon, framkvæmdastjóri Sameinuðu þjóðanna, kemur í opinbera heimsókn til Íslands í næstu viku í boði utanríkisráðherra.

Þetta er í fyrsta sinn sem Ban Ki-moon kemur hingað til lands síðan hann tók við af Kofi Annan sem framkvæmdastjóri árið 2007.

Ki-moon verður hér í þrjá daga, og hittir meðal annars Sigmund Davíð Gunnlaugsson forsætisráðherra, Gunnar Braga Sveinsson utanríkisráðherra og Ólaf Ragnar Grímsson forseta Íslands. Þá skoðar hann einnig Alþingi og Þingvelli.

Samkvæmt upplýsingum frá utanríkisráðuneytinu koma á annan tug fylgdarmanna með honum hingað til lands.