Á óskoðuðu bifjóli með sex ára dóttur sína

Seinni partinn í gær hafði lögregla afskipti af ökumanni bifhjóls í Breiðholti. Sá reyndist hjálmlaus og á óskoðuðu hjóli. Lögregla segir þó að það sem hafi farið einna helst fyrir brjóstið á sér hafi verið að ökumaðurinn var með sex ára dóttur sína á hjólinu en sú var með reiðhjólahjálm. Skráningarmerki voru tekin af bifhjólinu vegna vanræsklu á aðalskoðun og ökumanni gerð sekt vegna þessa. Ökumaður sagðist aðeins hafa ætlað stutta vegalengd á hjólinu.

Sex aðilar gistu fangageymslur Lögreglunnar í Reykjavík snemma í morgun, þrír vegna mála á hendur þeim en aðrir að eigin ósk.

Fimm voru teknir fyrir ölvunarakstur og þá var ráðist á starfsmann veitingastaðar í austurborginni og hann sleginn. Lögregla hefur upplýsingar um hver gerandinn, meiðsli eru sögð minniháttar og málið í rannsókn.