Galdrakarl á mótorhjóli

24 mótorhjólamenn, sem flestir fóru yfir hálfan hnöttinn til að ferðast um Ísland, luku í dag hringferð sinni um landið. Ferðin gekk stóráfallalaust fyrir sig en ferðalangarnir eru flestir um eða yfir sjötugu.

Ferðalangarnir eru flestir Ástralir en í hópnum eru einnig Nýsjálendingar og Bandaríkjamenn og óku þeir 3400 kílómetra á 13 hjóladögum. Ferðin var skipulögð af áströlsku fyrirtæki en hjólin voru leigð af Biking Viking. Mótorhjólafólkið kveðst hafa heillast af landinu og í meðfylgjandi frétt eru viðtöl við Ástralann Ric Begg, sem kallaður er Galdramaðurinn og Bandaríkjamanninn Steve Dummit, sem varð áttræður á Akureyri og er aldursforseti hópsins.