Jóhanna sátt við Simpsons

Jóhanna Sigurðardóttir forsætisráðherra segir að Simpson-þátturinn sem tileinkaður var Íslandi og sýndur var um helgina hafi örugglega verið góð landkynning.

„Þetta er uppáhaldsþáttur fólks á öllum aldri um víða veröld,“ segir Jóhanna. Hún segir það sannarlega hafa verið óvænt og skemmtilegt að enda sem persóna í Simpson-þætti og hún er sátt við teikninguna af sér.

„Miðað við karaktera í þessum vinsæla þætti þá er þetta flott hjá þeim,“ segir Jóhanna Sigurðardóttir.