Ekið á pilt á torfæruhjóli

Ekið var á pilt á torfæruhjóli í gærkvöldi með þeim afleiðingum að hann féll í jörðina og slasaðist. Að sögn piltsins skeytti ökumaðurinn ekki um afdrif hans, en ók af vettvangi.

Atvikið átti sér stað klukkan 18:25 í gær. Pilturinn, sem er um tvítugt var á hjóli sínu á hafnarsvæðinu í Keflavík þegar atvikið átti sér stað. Í beygju mætti hann svarti jeppabifreið, sem ók á afturhjól hjólsins og við það datt hann af því. Ungi maðurinn var fluttur á Heilbrigðisstofnun Suðurnesja til aðhlynningar og þaðan á Landspítalann til frekari skoðunar.

Lögreglan á Suðurnesjum óskar eftir að ná tali af ökumanni umræddrar bifreiðar, svo og þeim sem kynnu að hafa orðið vitni að atvikinu.