Ísland komst áfram

Það er ljóst að mörg Eurovision-partý verða víða um land á laugardagskvöldið því okkar maður Eyþór Ingi Gunnlaugsson komst upp úr seinni undanriðlinum í Malmö í Svíþjóð í kvöld.

Flutningur Eyþórs Inga á laginu Ég á líf var hreint út sagt stórkostlegur og lýstu margir Íslendingar því á Twitter að þeir hefðu fengið gæsahúð yfir flutningnum.

Eyþór var gríðarlega öruggur í söng sínum og framkomu og uppskar mikil fagnaðarlæti í Malmö Arena og út um allt Ísland eftir flutninginn.

„Ég er þakklátur fyrir að fá að syngja aftur á laugardag. Og geri það jafnvel betur en í kvöld,“ sagði Eyþór Ingi á blaðamannafundi eftir keppnina.

Ísland var sjötta landið sem kom upp úr umslögunum fyrir úrslitin og voru eflaust margir farnir að naga sig í handabökunum.

Öll Norðurlöndin keppa í úrslitunum: Svíþjóð, Noregur, Danmörk, Finnland og Ísland.

Af þeim sautján löndum sem kepptu í kvöld komust tíu áfram. Þau eru:

• Ungverjaland
  
  
• Aserbaídjan
  
  
• Georgía
  
  
• Rúmenía
  
  
• Noregur
  
  
• Ísland
  
  
• Armenía
  
  
• Finnland
  
  
• Malta
• Grikkland

Aðalkeppnin fer fram í Malmö Arena á laugardagskvöld. Hún hefst klukkan 19 og stendur útsendingin til 22.15.

Ljóst er hvaða 26 lönd taka þátt í, tíu frá hvoru undanúrslitakvöldi og sex sem fara beint í aðalkeppnina.

Á blaðamannafundinum í kvöld drógu keppendur í hvorum hluta útsendingarinnar á laugardag lögin verða flutt. Eyþór dró seinni helming keppninnar.

Framleiðendur útsendingarinnar gáfu út á föstudagsmorgun röð laganna í aðalkeppninni.

Lögin koma fram á laugardag í þessarri röð:

1. Frakkland
2. Litháen
3. Moldóvía
4. Finnland
5. Spánn
6. Belgía
7. Eistland
8. Hvíta-Rússland
9. Malta
10. Rússland
11. Þýskaland
12. Armenía
13. Holland
14. Rúmenía
15. Bretland
16. Svíþjóð
17. Ungverjaland
18. Danmörk
19. Ísland
20. Aserbaídjan
21. Grikkland
22. Úkraína
23. Ítalía
24. Noregur
25. Georgía
26. Írland
    
    

Á föstudagskvöld var einnig gefinn út listinn yfir það í hvaða röð öll löndin 39 sem tóku þátt í keppninni. Íslenski þulurinn María Sigrún Hilmarsdóttir mun vera sú 29. í röðinni til að lesa upp.

Hér fyrir neðan er hægt að hlusta á lögin sem keppa á laugardaginn í YouTube-lista.