Tollgæslan lagði hald á eitt kíló af sprengiefnum

Tollgæslan lagði hald á eitt kíló af efnum sem hægt er að nota sem sprengiefni um miðjan desember síðastliðinn. Sendingin barst hingað til lands frá Bretlandi í bögglapósti og var stíluð á einstakling.

Í sendingunni voru tveir plastpokar með dufti í, en ekki var getið um efnisinnihald þeirra á umbúðunum. Rannsókn málsins var unnin í samvinnu við lögreglustjórann á höfuðborgarsvæðinu sem og samstarfshóps hjá Ríkislögreglustjóra, er snýr að forefnum til sprengjugerðar.

Í tilkynningu frá Tollinum segir að rannsókn á málinu sé lokið og er það nú til meðferðar hjá ákæruvaldinu.