Formenn funda um stjórnarskrármálið

Formenn stjórnmálaflokkanna sitja núna á fundi og ræða tillögur Árna Páls Árnasonar um stjórnarskrármálið.

Árni Páll fékk umboð frá þingflokknum í gær til þess að reyna að semja við aðra flokka.

Árni Páll sagði um helgina að það væri óraunhæft að klára allt frumvarpið fyrir kosningar, en vildi freista þess að semja við aðra flokka um ákveðna þætti varðandi frumvarpið sem yrðu þá teknir aftur upp á næsta kjörtímabili.

Sjálfstæðisflokkurinn tók dræmt í þá hugmynd að binda hendur næstu ríkisstjórnar.Búist er við að fundinum ljúki um klukkan þrjú.