Bradley Manning játaði sök

Bandaríski hermaðurinn Bradley Manning, sem sakaður er um að hafa komið leynilegum upplýsingum í hendur WikiLeaks, játaði í dag fyrir rétti að hafa farið ranglega með leynilegar upplýsingar.

Manning neitaði þó alvarlegustu ásökuninni sem snýr að því að hafa komið upplýsingunum í hendur óvinarsins. Komist dómurinn að þeirri niðurstöðu á Manning yfir höfði sér ævilangt fangelsi. Verði hann sakfelldur fyrir þá sök sem hann hefur játað gæti refsingin varðað 20 ára fangelsisvist.

Manning hefur setið í fangelsi í yfir 1000 daga og 112 dagar munu dragast frá fangelsisvist hans verði hann fundinn sekur. Mátti Manning sæta slæmri meðferð í Quantico Marine Base fangelslinu í Virginíu. Þar var hann í einangrun 23 klukkustundir á hverjum degi og bönkuðu verðir upp á hjá honum á nokkurra mínútna fresti.

Nánar um málið á fréttavef Reuters.