Viðgerð lokið í SímaVIST

Sérfræðingar Símans vinna nú hratt og örugglega að því að greina og gera við bilun í búnaði sem hefur áhrif á tal- og farsíma þeirra sem eru í SímaVIST og á ljósleiðarasvæðum Símans. Samkvæmt upplýsingum frá Símanum hafa viðskiptavinir með skráð tölvupóstfang fengið tölvupóst um stöðuna.

„Nú þegar eru fyrstu viðskiptavinirnir aftur komnir í samband. Við vonumst til þess að viðskiptavinir okkar verði í fullu sambandi innan skamms," segir Gunnhildur Arna Gunnarsdóttir, upplýsingafulltrúi Símans.

Bilunin uppgötvaðist snemma í morgun. Hún hefur áhrif á hóp viðskiptavina í SímaVIST og á ljósleiðarasvæðum Símans (Úlfarsárdalur/Leirvogstunga). Hún tengist uppfærslu sem gerð var síðla nætur.

Uppfært klukkan 11:07

Nú er hægt er að hringja inn í síma í SímaVIST og þeirra á ljósleiðarasvæðum Símans sem fundu fyrir áhrifum bilunar á búnaði nú í morgunsárið. Enn hikstar hjá þessum viðskiptavinum þegar þeir hringja út. Vonast er til að það komist í lag innan skamms.

Uppfært klukkan 11:37

Viðgerð lokið, allir viðskiptavinir Símans komnir með tryggt og stöðugt samband.