Íslensk bók á toppi fyrsta rafbókalistans

Bókin Ósjálfrátt eftir Auði Jónsdóttur situr í fyrsta sæti á fyrsta metsölulista Eymundssonar sem tekur til rafbóka á íslensku.

Eymundsson birtir í dag sinn fyrsta metsölulista yfir rafbækur. Listinn nær til sölu rafbóka á íslensku síðustu fjögurra vikna og verður eftirleiðis gefinn út vikulega fyrir tímabilið sem spannar fjórar síðustu vikurnar þar á undan.

Þær bækur sem skipa tíu efstu sæti rafbókalistans eru:

1. Ósjálfrátt (Auður Jónsdóttir)

2. Fimmtíu skuggar frelsis (E.L. James)

3. Kuldi (Yrsa Sigurðardóttir)

4. Dóttir húshjálparinnar (Barbara Mutch)

5. Fimmtíu gráir skuggar (E.L. JameS)

6. Eitt skot (Lee Child)

7. Gamlinginn sem skreið út um gluggann og hvarf (Jonas Jonasson)

8. Húsið (Stefán Máni)

9. Reykjavíkurnætur (Arnaldur Indriðason)

10. Illska (Eiríkur Örn Norðdahl)

Í fyrsta sæti aðallistans þessa vikuna situr bókin Hver er ég – og ef svo er, hve margir? Í fyrsta sæti innbundna listans situr Ósjálfrátt Auðar Jónsdóttir sem eins og áður er sagt á líka sömu bók í fyrsta sæti rafbókalistans. Í fyrsta sæti kiljulistans situr ný bók, Ástir, eftir Javier Marias. Í fyrsta sæti barnabókalistans situr Lilli klifurmús og hin dýrin í Hálsaskógi.