Teknir úr umferð vegna aksturs undir áhrifum fíkniefna

Ökumaður var tekinn úr umferð á Selfossi um miðnætti, þar sem hann reyndist vera undri áhrifum fíkniefna.

Það voru tveir farþegar hans líka, og lítilsháttar af kannabisefnum fannst á þeim öllum. þeim var sleppt að skýrslutöku lokinni, en þurftu að ganga heim, þar sem lögreglan geymir bílinn.

Rúmri klukkustund síðar var annar ökumaður stöðvaður í Kópavogi, grunaður um akstur undir áhrifum áfengis og fíkniefna, auk þess sem búið var að svifta hann ökuréttindum fyrir fíkniefnaakstur.