Hefja leit á ný á Siglufirði

Björgunarsveitarmenn á Siglufirði eru eru aftur byrjaðir að leita að Grétari Guðfinnssyni, eftir stutt hlé í nótt. Grétars hefur verið saknað síðan í gærmorgun samkvæmt upplýsingum frá lögreglu. Um 90 manns leituðu hans í gærkvöldi og í nótt.

Ögn færri eru að leita að honum nú samkvæmt upplýsingum frá lögreglunni á Akureyri. Þó má búast við liðsauka annarra björgunarsveita síðar í dag.

Svæðisstjórn lögreglunnar er á Akureyri en staðan verður endurmetin í hádeginu og þá verða næstu skref ákveðin.

Lögreglan óskar eftir upplýsingum frá almenningi um það hvar Grétar gæti verið niðurkominn. Hann er 185 sentímetrar á hæð, grannvaxinn, með ljóst stutt hár, klæddur í svartar íþróttabuxur, svarta úlpu og svarta íþróttaskó. Ef einhver getur aðstoðað lögreglu er þeim bent á að hafa samband við lögregluna á Akureyri í síma: 4647700