Fimmta hvert fyrirtæki í alvarlegum vanskilum

Fimmta hvert fyrirtæki á Íslandi er í alvarlegum vanskilum. Þetta kemur fram í nýrri úttekt Creditinfo á stöðu íslenskra fyrirtækja. Þau fyrirtæki sem eru best rekin á Íslandi eru rótgróin fyrirtæki, en meðalaldur þeirra best reknu er 31 ár.

Um það bil 1 prósent fyrirtækja í landinu uppfylla skilyrðin til að teljast framúrskarandi að mati fyrirtækisins Creditinfo.

Til að teljast framúrskarandi þurfa fyrirtækin að hafa skilað ársreikningum árin 2009-2011, vera með rekstrarhagnað þrjú ár í röð og eignir yfir 80 milljónum króna öll árin. Þá þarf hlutfall eigin fjár að vera 20 prósent eða hærra.

Það sem er neikvætt er að fimmtungur íslenskra fyrirtækja eiga í alvarlegum vanskilum, en ekkert þeirra sem hlotið hefur útnefninguna „Framúrskarandi fyrirtæki" frá Creditinfo hefur lent í slíkri stöðu.

Á listanum fyrir árið 2012 eru alls 358 fyrirtæki, en þar af eru 120 ný á listanum frá því í fyrra. Það er því tæplega þriðjungur fyrirtækja á listanum sem eru að koma ný inn á hann. Meðal þeirra eru Hamborgarabúlla Tómasar á Geirsgötu.

Hamborgarar sem viðskiptamódel virka greinilega vel, ef næg eftirspurn er eftir vörunni sem boðið er upp á.

Flestar stærstu lögmannsstofur landsins komast á listann. Það vekur athygli að best reknu fyrirtæki landsins eru rótgróin fyrirtæki, en meðalaldur þeirra er 21 ár. Mörg útvegsfyrirtæki er á listanum, sem varla þarf að koma á óvart, enda er sjávarútvegur einn aðal undirstöðuatvinnuvegur þjóðarinnar.

Í fréttatíma Stöðvar 2 í kvöld var rætt við Hákon Stefánsson, framkvæmdastjóra Creditinfo.