Kjósa frekar Sjálfstæðisflokkinn með Hönnu Birnu í forystu

82% telja að Hanna Birna Kristjánsdóttir yrði sterkari formaður Sjálfstæðisflokksins en Bjarni Benediktsson. 9,4% segja að Bjarni yrði sterkari en Hanna Birna en 8,2% segja að þau yrðu jafn sterk. Þetta sýna niðurstöður sem Capacent Gallup gerði fyrir Samtök áhugafólks um stjórnmál.

Um 36% segja líklegra að þeir muni kjósa Sjálfstæðisflokkinn í næstu kosningum ef Hanna Birna Kristjánsdóttir leiðir flokkinn. Tæplega 17% segja að það sé ólíklegra að þeir kjósi flokkinn ef hún leiðir flokkinn en 47% segja það hvorki líklegra né ólíklegra.

Þá segja 55% líklegra að þau myndu kjósa Sjálfstæðisflokkinn ef Hanna Birna yrði formaður, 2% telja líklegra að þau myndu kjósa Sjálfstæðisflokkinn ef Bjarni yrði formaður og 43% telja jafn líklegt/ólíklegt óháð því hvort þeirra væri formaður.

Könnunin var gerð dagana 31. janúar til 6. febrúar. Úrtakið var 1400 manns og fjöldi svarenda var 58%. Könnunin var gerð dagana 31. janúar - 6. febrúar. Engar upplýsingar hafa fengist um það hverjir standa að baki félaginu Samtök áhugafólks um stjórnmál, en samtökin eru ekki skráð með kennitölu í fyrirtækjaskrá.

Eftirfarandi spurningar voru lagðar fyrir þátttakendur í könnuninni.

Sp. 1. Hvort telur þú líklegra að þú kjósir Sjálfstæðisflokkinn í næstu alþingiskosningum ef Hanna Birna Kristjánsdóttir er formaður flokksins eða Bjarni Benediktsson?

Sp. 2. Er líklegra eða ólíklegra að þú kjósir Sjálfstæðisflokkinn ef Hanna Birna

Kristjánsdóttir væri formaður flokksins?

Sp. 3. Hvort telur þú að Hanna Birna Kristjánsdóttir eða Bjarni Benediktsson yrði

sterkari formaður fyrir Sjálfstæðisflokkinn?



Hér að neðan má sjá könnunina