Sögulegur stólfótur úr Gúttó-slanum kominn á Árbæjarsafn

Tæplega aldargamall stólfótur sem verkamenn notuðu sem barefli í Gúttó-slagnum hefur fengið samastað á Árbæjarsafninu. Sagnfræðingur segist aldrei hafa komist í tæri við jafn merkilegt vopn áður.

Það var Ólafur Þorsteinsson sem gaf safninu stólfótinn sögulega í dag en gripurinn hefur verið í eigu fjölskyldu hans allt frá degi gúttóslagsins 9.nóvember 1932 en þá brutust út átök í Reykjavík vegna þess að lækka átti launin í atvinnubótavinnu.

„Hann hefur verið geymdur ævinlega á vísum stað innpakkaður og aldrei notaður sem leikfang til að mynda heldur alltaf útskýrður sem hættulegt vopn," segir.

Sp. blm. Og afhverju hættulegt vopn?

„Þetta var aðal vopnið í þessum magnaða slag sem stóð í túnfæti lækningastofu afa míns Ólafs Þorsteinssonar háls nef og eyrnalæknis."

Það var Héðinn Valdimarsson ríkasti maður landsins á þeim tíma og foringi verkamanna sem greip til þess ráðs þegar leikar stóðu sem hæst að brjóta stóla í bæjarstjórnarsalnum og rétta stólfætur út um gluggann til vopnlausra verkamanna sem nýttu þá gegn gúmmíkylfuvæddu lögregluliði.

„Og það er einn af þeim stólfótum sem notaður var og ég hef aldrei séð svo merkilegt vopn," segir Þorleifur Friðriksson, sagnfræðingur.