Valdes fer frá Barcelona

Markvörður Barcelona, Victor Valdes, hefur gefið það út að hann ætli sér ekki að framlengja samning sinn við félagið sem rennur út sumarið 2014.

Forráðamenn Barcelona voru til í að gera nýjan samning við markvörðinn og þannig gera honum kleift að spila með Barcelona allan sinn feril. Hann hafnaði því tilboði.

Samkvæmt fréttum frá Spáni stefnir markvörðurinn á að leika utan Spánar því hann vill kynnast því að spila í öðru landi og upplifa aðra menningu.

Þegar er byrjað að orða David de Gea, markvörð Man. Utd, við Barcelona.