Eitthvað fallegt á Siglufirði

Þau Ragnheiður Gröndal, Svavar Knútur og Kristjana Stefánsdóttir halda til Siglufjarðar með tónleikaröð sína Eitthvað fallegt. Tónleikarnir fara fram í kvöld klukkan 20 í Siglufjarðarkirkju.

Útsetningar þríeykisins þykja lástemmdar og leggur það áherslu á að njóta innilegrar stundar með áheyrendum. Ókeypis er fyrir börn yngri en átján ára og er sérstakur afsláttur fyrir eldri borgara, öryrkja og námsmenn.

Á morgun halda þremenningarnir tónleika á Akureyri og þann 20. desember troða þau upp á Café Rosenberg í Reykjavík. Hluti af miðasölu tónleikanna rennur til góðgerðarfélags í grennd við hvern tónleikastað fyrir sig. Miðasala fer fram á midi.is