Hiti í kringum strætóstöðvar

Sett hefur verið fram áætlun um hitun umhverfis fimm af stærstu biðstöðvum Strætó í Reykjavík. Samkvæmt tillögu Ólafs Bjarnasonar samgöngustjóra borgarinnar verður byrjað á framkvæmdum við tvo staði á þessu ári; á Hringbraut við Félagsstofnun stúdenta og á Miklubraut við Kringluna.

Áætlaður kostnaður við hitun þessara tveggja stöðva er 28,9 milljónir. Hinar stöðvarnar eru á Vesturlandsvegi við Ártún, á Lækjargötu við MR og í Austurbergi. Gert er ráð fyrir að hitun þessara þriggja biðstöðva muni samtals kosta 79,2 milljónir króna.