Fylkir og ÍBV skildu jöfn

Víkingur frá Ólafsvík er öruggt með efsta sæti 1. riðils Lengjubikars karla, þar sem að Fylkir og ÍBV gerðu 2-2 jafntefli í kvöld.

Fylkir var sex stigum á eftir Víkingum fyrir leikinn í kvöld en átti tvo leiki til góða. Fylkir er nú með þrettán stig í þriðja sæti riðilsins en getur skotist upp fyrir FH í annað sætið með sigri á BÍ/Bolungarvík á laugardaginn.

Víkingur Ó, FH og Fylkir eru þó öll örugg áfram í fjórðungsúrslit keppninnar.

ÍBV komst í 2-0 forystu í kvöld með mörkum þeirra Aaron Spear og Gunnars Más Guðmundssonar. Davíð Þór Ásbjörnsson minnkaði muninn strax í fyrri hálfleik og Agnar Bragi Magnússon skoraði jöfnunarmarkið um miðjan seinni hálfleikinn.

Upplýsingar um markaskorara frá úrslit.net.