Göturnar spúlaðar snemma - enn fullt af fólki í bænum

Svo virðist sem starfsmönnum borgarinnar liggi mikið á við að þrífa göturnar í miðbæ Reykjavíkur því meðfylgjandi myndir voru teknar í kvöld.

Enn er nóg af fólki í miðbænum eftir hátíðardagskrána í dag en vegfarendur ráku upp stór augu þegar borgarstarfsmennirnir hófu að spúla Bankastrætið og Austurstrætið þegar klukkan var rúmlega 20.

Vegfarandi sem fréttastofa ræddi við sagði að fólk á svæðinu ætti ekki til orð, og fyndist sem borgin væri að reka það úr miðborginni - og klukkan rétt rúmlega 20.

Formlegri dagskrá lauk klukkan 19 í kvöld, en þó er enn mikil stemming í bænum.