Finnst fátt þægilegra en að trítla um nakin heima

Arna Bára Karlsdóttir, 25 ára, sem sigraði nóvemberkeppni á vegum Playboy sem kallast Miss Social í fyrra vetur fór til Los Angels í byrjun árs í fleiri myndatökur hjá Playboy en útkomuna má sjá hér. Við spurðum Örnu út í þessar myndir af henni.

Hvernig leið þér að sitja fyrir svona klæðalítil? „Mér finnst það rosalega frelsandi og þægilegt að vera klæðalítil. Ég er rosalega mikið náttúrubarn og finnst fátt þægilegra en að trítla um nakin heima hjá mér," svarar Arna.

Hvaða myndir eru þetta? „Þessi myndataka var aðallega fyrir appið og heimasíðuna hjá þeim þannig að eins og sést á myndunum þá áttu þær bara að vera klassí flottar og í ekta Playboy fíling," svarar hún.

Hvað ertu að gera annað en að sitja fyrir? „Ég var að útskrifast sem hárgreiðslukona út Tækniskólanum og mætti til landsins úr myndatökum sem fóru fram í Miami nokkrum tímum fyrir útskriftina.  Ég stefni á að fara á fullt í hárið og meira til útlanda í myndatökur. Ég er að fara til New York í tökur í júlí og fer svo þaðan til Toronto í tökur," segir Arna áður en kvatt er.

Smelltu á efstu myndina í frétt til að sjá allar myndirnar.

Arna skemmti sér í Playboyhöllinni - viðtal.