"Ég er búin að vera með hnút í maganum“ Eiríkur Stefán Ásgeirsson skrifar 27. júlí 2013 07:00 Hafdís Sigurðardóttir og Aníta Hinriksdóttir munu etja kappi í 400 m hlaupi á Meistaramóti Íslands í frjálsíþróttum um helgina. Hafdís á betri skráðan tíma en ekki munar miklu á þeim. fréttablaðið/vilhelm Nánast allt okkar besta frjálsíþróttafólk tekur þátt á spennandi Meistaramóti Íslands á Akureyri nú um helgina. Mikill uppgangur hefur verið í íþróttinni síðustu misseri og margt ungt fólk hefur verið að ná frábærum árangri á alþjóðavísu. Þar fer Aníta Hinriksdóttir fremst í flokki en hún ætlar reyndar að taka sér frí frá 800 m hlaupi um helgina. Þess í stað hleypur hún með boðhlaupssveit ÍR og keppir þar að auki í 400 m hlaupi. Fyrir fram má reikna með því að Aníta muni berjast við heimakonuna Hafdísi Sigurðardóttur en þær eiga mjög svipaðan tíma í greininni. „Þetta verður hörkuhlaup og ég er búin að vera með hnút í maganum vegna þess,“ sagði Hafdís í léttum dúr. „Það verður fyrst og fremst heiður og gaman að fá að keppa við Anítu en það munar mjög litlu á okkur í þessari grein. Hún vill auðvitað fá gullið og ætlar ekki að láta gömlu konuna hirða það af sér.“ Aníta, nýkrýndur heims- og Evrópumeistari ungmenna í 800 m hlaupi, er fyrst og fremst millivegalengdahlaupari en Hafdís spretthlaupari. Þær mætast því á „miðri leið“ í 400 m hlaupinu sem þær hafa báðar hlaupið á rúmum 54 sekúndum á þessu ári. Hafdís á ögn betri skráðan tíma í greininni fyrir mótið.asdHafdís keppir í fjórum einstaklingsgreinum á mótinu um helgina og stefnir á sigur í þeim öllum. Hún keppir í 100, 200 og 400 m hlaupum sem og langstökki kvenna. Hún bætti einmitt Íslandsmetið í langstökki fyrr á þessu ári og virðist í besta formi lífs síns. „Ég vona að ég nái að toppa á réttum tíma því ég er með miklar væntingar um góðan árangur,“ segir Hafdís, sem horfir sérstaklega á sextán ára gamalt Íslandsmet Guðrúnar Arnardóttur í 200 m hlaupi. Metið stendur í 23,81 sekúndu en Hafdís hljóp vegalengdina á 23,82 sekúndum á Smáþjóðaleikunum fyrr í sumar. „Hlaupið fór fram í algjöru logni og ég er á því að hefði ég fengið örlítinn vind í bakið væri þetta met hrunið. Ég vona bara að veður og vindar verði bæði mér hliðholl og lögleg á sunnudaginn. Þá á eftir að koma í ljós hversu mikla orku ég mun hafa eftir fyrri keppnisdaginn [í dag] sem verður mjög strembinn,“ segir Hafdís, sem á einnig Íslandsmetin í 60 m og 300 m hlaupi. Flest okkar besta frjálsíþróttafólk verður með á Akureyri um helgina. Hér má sjá yfirlit yfir nokkrar athyglisverðar greinar sem vert verður að fylgjast með um helgina. Sleggjukast karla (í dag kl. 13.00): Hinn stórefnilegi Hilmar Örn Jónsson er nýbúinn að bæta Íslandsmetið með 6 kg sleggju og er einnig öflugur kúluvarpari. 100 m grindahlaup kvenna (í dag kl. 13.30): Arna Stefanía Guðmundsdóttir er nýbúin að setja aldursflokkamet í greininni en þessi öfluga sjöþrautarkona má búast við mikilli samkeppni við Sveinbjörgu Zophaníasdóttur (á mynd)og Maríu Rún Gunnlaugsdóttur sem báðar keppa einnig alla jafna í sjöþraut. Langstökk kvenna (í dag kl. 13.30): Íslandsmethafinn Hafdís Sigurðardóttir er líklegust til sigurs eftir að hafa bætt Íslandsmet í greininni í vor. Spjótkast kvenna (í dag kl. 14:20): Ásdís Hjálmsdóttir undirbýr sig að fullu fyrir HM. 100 m hlaup karla (í dag kl. 14.40): Fjölmennasta greinin en alls eru 28 skráðir til leiks. Kolbeinn Höður Gunnarsson og Ívar Kristinn Jasonarson munu líklega berjast um gullið, rétt eins og í 400 m hlaupi karla (í dag kl. 15.10). 400 m hlaup kvenna (í dag kl. 15.25): Aníta Hinriksdóttir og Hafdís Sigurðardóttir munu berjast um gullið. Spjótkast karla (í dag kl. 15.30): Ísland á nú tvo efnilega spjótkastara, þá Guðmund Sverrisson, sem er nálægt 80 m, og Örn Davíðsson, sem hefur kastað yfir 75 m. Kúluvarp karla (á morgun kl. 13.30): Ólympíufarinn Óðinn Björn Þorsteinsson hefur verið að koma sér aftur af stað eftir leikana í Lundúnum. 200 m hlaup kvenna (á morgun kl. 14.40): Hér verður athyglisvert að fylgjast með hvort Hafdís Sigurðardóttir nái að bæta Íslandsmet Guðrúnar Arnardóttur. Frjálsar íþróttir Mest lesið Leik lokið: Álftanes - Tindastóll 90-105 | Stólarnir komnir í úrslit Körfubolti Vardy blés í flautu dómarans þegar hann féll við Enski boltinn Þórir ráðinn til HSÍ Handbolti „Gætum ekki verið spenntari að koma aftur til Íslands“ Fótbolti Tímabilinu líklega lokið hjá Orra Fótbolti Uppgjörið: Breiðablik - Víkingur 4-0 | Meistararnir með markaveislu í sólinni Íslenski boltinn Uppgjörið: Stjarnan - Valur 1-0 | Stjarnan fyrst til að skora gegn Val Íslenski boltinn Sveindís fékk langþráð tækifæri í byrjunarliðinu Fótbolti Uppselt í fyrsta sinn á Álftanesinu Sport Kirsuberin komu til baka og stálu sigri af Skyttunum Enski boltinn Fleiri fréttir Börsungar sneru við blaðinu gegn botnliðinu „Við gátum ekki farið mikið neðar“ Fyrsta mark Eggerts í fimmta sigri Brann í röð Hamar jafnaði einvígið með stórsigri Uppgjörið: Stjarnan - Valur 1-0 | Stjarnan fyrst til að skora gegn Val Leik lokið: Álftanes - Tindastóll 90-105 | Stólarnir komnir í úrslit Kirsuberin komu til baka og stálu sigri af Skyttunum Kolstad rétti úr kútnum og komst í úrslit Lærisveinar Arnórs laumuðu sér upp fyrir lið Guðmundar FH-ingar kláruðu Akureyringa á korteri og jöfnuðu Blika á toppnum Benóný kom inn af bekknum og skoraði í lokaumferðinni Leik lokið: Þróttur - Tindastóll 1-0 | Eina markið skorað úr fyrstu sókn leiksins Klúður hjá Everton gegn Ipswich og langþráður sigur Leicester Uppgjörið: Fram - FHL 2-0 | Fram nældi í sín fyrstu stig í nýliðaslagnum við FHL Uppgjörið: Breiðablik - Víkingur 4-0 | Meistararnir með markaveislu í sólinni Leipzig jafnaði á elleftu stundu og Bayern þarf enn að bíða Vardy blés í flautu dómarans þegar hann féll við Mikilvægur sigur Kristianstad og norsku meistararnir náðu í þrjú stig Sveindís fékk langþráð tækifæri í byrjunarliðinu Leeds vann B-deildina en Plymouth og Luton féllu Mikilvægur sigur Villa í Meistaradeildarbaráttunni Fyrsti deildarsigur Brøndby á árinu Uppselt í fyrsta sinn á Álftanesinu Þriðja jafntefli Düsseldorf í röð en umspilið enn í augsýn Karólína lagði upp sigurmark Leverkusen Þórir ráðinn til HSÍ „Kóngurinn á Íslandi, DeAndre Kane, bjargaði okkur“ Tímabilinu líklega lokið hjá Orra „Þetta var ákvörðun sem ég þurfti að taka“ Houston knúði fram oddaleik Sjá meira
Nánast allt okkar besta frjálsíþróttafólk tekur þátt á spennandi Meistaramóti Íslands á Akureyri nú um helgina. Mikill uppgangur hefur verið í íþróttinni síðustu misseri og margt ungt fólk hefur verið að ná frábærum árangri á alþjóðavísu. Þar fer Aníta Hinriksdóttir fremst í flokki en hún ætlar reyndar að taka sér frí frá 800 m hlaupi um helgina. Þess í stað hleypur hún með boðhlaupssveit ÍR og keppir þar að auki í 400 m hlaupi. Fyrir fram má reikna með því að Aníta muni berjast við heimakonuna Hafdísi Sigurðardóttur en þær eiga mjög svipaðan tíma í greininni. „Þetta verður hörkuhlaup og ég er búin að vera með hnút í maganum vegna þess,“ sagði Hafdís í léttum dúr. „Það verður fyrst og fremst heiður og gaman að fá að keppa við Anítu en það munar mjög litlu á okkur í þessari grein. Hún vill auðvitað fá gullið og ætlar ekki að láta gömlu konuna hirða það af sér.“ Aníta, nýkrýndur heims- og Evrópumeistari ungmenna í 800 m hlaupi, er fyrst og fremst millivegalengdahlaupari en Hafdís spretthlaupari. Þær mætast því á „miðri leið“ í 400 m hlaupinu sem þær hafa báðar hlaupið á rúmum 54 sekúndum á þessu ári. Hafdís á ögn betri skráðan tíma í greininni fyrir mótið.asdHafdís keppir í fjórum einstaklingsgreinum á mótinu um helgina og stefnir á sigur í þeim öllum. Hún keppir í 100, 200 og 400 m hlaupum sem og langstökki kvenna. Hún bætti einmitt Íslandsmetið í langstökki fyrr á þessu ári og virðist í besta formi lífs síns. „Ég vona að ég nái að toppa á réttum tíma því ég er með miklar væntingar um góðan árangur,“ segir Hafdís, sem horfir sérstaklega á sextán ára gamalt Íslandsmet Guðrúnar Arnardóttur í 200 m hlaupi. Metið stendur í 23,81 sekúndu en Hafdís hljóp vegalengdina á 23,82 sekúndum á Smáþjóðaleikunum fyrr í sumar. „Hlaupið fór fram í algjöru logni og ég er á því að hefði ég fengið örlítinn vind í bakið væri þetta met hrunið. Ég vona bara að veður og vindar verði bæði mér hliðholl og lögleg á sunnudaginn. Þá á eftir að koma í ljós hversu mikla orku ég mun hafa eftir fyrri keppnisdaginn [í dag] sem verður mjög strembinn,“ segir Hafdís, sem á einnig Íslandsmetin í 60 m og 300 m hlaupi. Flest okkar besta frjálsíþróttafólk verður með á Akureyri um helgina. Hér má sjá yfirlit yfir nokkrar athyglisverðar greinar sem vert verður að fylgjast með um helgina. Sleggjukast karla (í dag kl. 13.00): Hinn stórefnilegi Hilmar Örn Jónsson er nýbúinn að bæta Íslandsmetið með 6 kg sleggju og er einnig öflugur kúluvarpari. 100 m grindahlaup kvenna (í dag kl. 13.30): Arna Stefanía Guðmundsdóttir er nýbúin að setja aldursflokkamet í greininni en þessi öfluga sjöþrautarkona má búast við mikilli samkeppni við Sveinbjörgu Zophaníasdóttur (á mynd)og Maríu Rún Gunnlaugsdóttur sem báðar keppa einnig alla jafna í sjöþraut. Langstökk kvenna (í dag kl. 13.30): Íslandsmethafinn Hafdís Sigurðardóttir er líklegust til sigurs eftir að hafa bætt Íslandsmet í greininni í vor. Spjótkast kvenna (í dag kl. 14:20): Ásdís Hjálmsdóttir undirbýr sig að fullu fyrir HM. 100 m hlaup karla (í dag kl. 14.40): Fjölmennasta greinin en alls eru 28 skráðir til leiks. Kolbeinn Höður Gunnarsson og Ívar Kristinn Jasonarson munu líklega berjast um gullið, rétt eins og í 400 m hlaupi karla (í dag kl. 15.10). 400 m hlaup kvenna (í dag kl. 15.25): Aníta Hinriksdóttir og Hafdís Sigurðardóttir munu berjast um gullið. Spjótkast karla (í dag kl. 15.30): Ísland á nú tvo efnilega spjótkastara, þá Guðmund Sverrisson, sem er nálægt 80 m, og Örn Davíðsson, sem hefur kastað yfir 75 m. Kúluvarp karla (á morgun kl. 13.30): Ólympíufarinn Óðinn Björn Þorsteinsson hefur verið að koma sér aftur af stað eftir leikana í Lundúnum. 200 m hlaup kvenna (á morgun kl. 14.40): Hér verður athyglisvert að fylgjast með hvort Hafdís Sigurðardóttir nái að bæta Íslandsmet Guðrúnar Arnardóttur.
Frjálsar íþróttir Mest lesið Leik lokið: Álftanes - Tindastóll 90-105 | Stólarnir komnir í úrslit Körfubolti Vardy blés í flautu dómarans þegar hann féll við Enski boltinn Þórir ráðinn til HSÍ Handbolti „Gætum ekki verið spenntari að koma aftur til Íslands“ Fótbolti Tímabilinu líklega lokið hjá Orra Fótbolti Uppgjörið: Breiðablik - Víkingur 4-0 | Meistararnir með markaveislu í sólinni Íslenski boltinn Uppgjörið: Stjarnan - Valur 1-0 | Stjarnan fyrst til að skora gegn Val Íslenski boltinn Sveindís fékk langþráð tækifæri í byrjunarliðinu Fótbolti Uppselt í fyrsta sinn á Álftanesinu Sport Kirsuberin komu til baka og stálu sigri af Skyttunum Enski boltinn Fleiri fréttir Börsungar sneru við blaðinu gegn botnliðinu „Við gátum ekki farið mikið neðar“ Fyrsta mark Eggerts í fimmta sigri Brann í röð Hamar jafnaði einvígið með stórsigri Uppgjörið: Stjarnan - Valur 1-0 | Stjarnan fyrst til að skora gegn Val Leik lokið: Álftanes - Tindastóll 90-105 | Stólarnir komnir í úrslit Kirsuberin komu til baka og stálu sigri af Skyttunum Kolstad rétti úr kútnum og komst í úrslit Lærisveinar Arnórs laumuðu sér upp fyrir lið Guðmundar FH-ingar kláruðu Akureyringa á korteri og jöfnuðu Blika á toppnum Benóný kom inn af bekknum og skoraði í lokaumferðinni Leik lokið: Þróttur - Tindastóll 1-0 | Eina markið skorað úr fyrstu sókn leiksins Klúður hjá Everton gegn Ipswich og langþráður sigur Leicester Uppgjörið: Fram - FHL 2-0 | Fram nældi í sín fyrstu stig í nýliðaslagnum við FHL Uppgjörið: Breiðablik - Víkingur 4-0 | Meistararnir með markaveislu í sólinni Leipzig jafnaði á elleftu stundu og Bayern þarf enn að bíða Vardy blés í flautu dómarans þegar hann féll við Mikilvægur sigur Kristianstad og norsku meistararnir náðu í þrjú stig Sveindís fékk langþráð tækifæri í byrjunarliðinu Leeds vann B-deildina en Plymouth og Luton féllu Mikilvægur sigur Villa í Meistaradeildarbaráttunni Fyrsti deildarsigur Brøndby á árinu Uppselt í fyrsta sinn á Álftanesinu Þriðja jafntefli Düsseldorf í röð en umspilið enn í augsýn Karólína lagði upp sigurmark Leverkusen Þórir ráðinn til HSÍ „Kóngurinn á Íslandi, DeAndre Kane, bjargaði okkur“ Tímabilinu líklega lokið hjá Orra „Þetta var ákvörðun sem ég þurfti að taka“ Houston knúði fram oddaleik Sjá meira