Lifandi pöddur hjá Yggdrasil

Yggdrasill heildverslun hefur innkallað hýðishrísgrjón og döðlur eftir að aðskotahlutir fundust í vörupakkningum frá fyrirtækinu. Um var að ræða lítil lifandi skordýr.

Oddný Anna Björnsdóttir, framkvæmdastjóri Yggdrasils heildsölu, segir þetta ekki óalgengt þegar um er að ræða lífræna ræktun.

„Þetta er algjörlega hættulaust og gerist stundum þegar vörur eru teknar beint af akri," segir hún. Um er að ræða hýðishrísgrjón með dagsetningunni 30.12.13 og döðlur með dagsetningunni 30.04.13.- sv