Milljónir hafa séð Lagarfljótsorminn á YouTube

Tvær og hálf milljón notenda YouTube hefur nú séð myndbandið sem Hjörtur Kjerúlf tók við Lagarfljót á dögunum. Ríkisútvarpið sýndi myndskeiðið á dögunum en síðan þá hafa margir af stærstu miðlum heims tekið fréttina upp.

Nú er svo komið að á myndbandavefnum YouTube hefur myndbandið aldeilis slegið í gegn. Það er vinsælast í flokknum „News & Politics" og í tuttugugasta sæti yfir vinsælustu myndbönd þessarar viku sem nú er að líða.

Alls hafa 2,434,616 manns skoðað myndbandið og þar að auki hefur það nokkrum sinnum verið sent inn á YouTube og hafa því aðrar útgáfur einnig fengið tugi þúsunda í áhorf.