Ný stefna í íþróttamálum

Borgarstjórn hefur samþykkt nýja stefnu í íþróttamálum fram til ársins 2020. Stefnan var unnin undir forystu Íþróttabandalags Reykjavíkur og Íþrótta– og tómstundaráðs Reykjavíkur.

Þar er kveðið á um aukinn hlut almenningsíþrótta og aukna þátttöku fjölskyldunnar í íþróttaiðkun, betra aðgengi barna og ungmenna að íþróttastarfi, framtíðarsamskipti borgaryfirvalda og íþróttafélaga, breyttar áherslur í þjónustu íþróttafélaga við borgarbúa og rekstur og viðhald íþróttamannvirkja. - shá