Konan í Kaupmannahöfn útskrifuð af sjúkrahúsi

Íslenska konan sem féll í Peblingevatnið á Nörrebro í Kaupmannahöfn aðfararnótt laugardagsins hefur verið útskrifuð frá Rigshospitalet. Lögreglan í Kaupmannahöfn hefur tilkynnt fjölskyldu hennar um það.

Þetta kemur fram í frétt á vefsíðu Ekstra Bladet. Eins og kunnugt er af fréttum var konan, sem er 27 ára gömul, lengi í vatninu áður en henni var bjargað og þjáðist hún af alvarlegri ofkælingu. Henni var því haldið í öndunarvél á gjörgæslu þar til hægt var að ná líkamshita hennar upp að nýju.

Konan komst til meðvitundar síðdegis í gærdag og þá var líkamshiti hennar þegar orðinn 36 gráður.