Vildi svigrúm til að semja um lausnir á veiðileyfagjaldinu

Ásta R. Jóhannesdóttir forseti Alþingis segir að hún hafi tekið frumvarpið um veiðileyfagjaldið af dagskrá þingsins í dag til að skapa mönnum svigrúm til að finna lausnir á málinu.

„Ég tel að frekari umræða á þinginu sjálfu muni varla skila neinum árangri á þessu stigi," segir Ásta í samtali við Fréttastofu.

Veiðileyfagjaldið var tekið af dagskrá Alþingis í gærkvöldi en umræðunni um frumvarpið sem staðið hefur í sjö daga, er ekki lokið.

Tuttugu önnur mál, og alls óskyld, eru á dagskrá þingsins í dag.