Þóra gleymdi persónuskilríkjum

Þóra Arnórsdóttir forsetaframbjóðandi lenti í vandræðum í Hafnarfirði þar sem hún kaus. Hún reyndist hafa gleymt skilríkjum og voru því góð ráð dýr. Með henni í för voru þrjú börn hennar. Starfsmenn kjörstjórnar tóku því til sinna ráða, þannig vottuðu þrír þeirra að þarna færi sannarlega Þóra Arnórsdóttir forsetaframbjóðandi og úr varð að henni var leyft að kjósa.

Þegar hefur Ólafur Ragnar Grímsson kosið en eiginkona hans, Dorrit Moussaieff var reyndar ekki búin að gera upp huga sinn þegar hún fór inn í kjörklefann.

Við þetta tækifæri er ágætt að árétta að þeir sem fara að kjósa verða að taka með sér persónuskilríki.