Mót á hverjum föstudegi í júlí

Áhugamönnum um skák á öllum aldri er boðið á Ávaxtamótið 2012 sem haldið er klukkan 12 í dag í Sumarskákhöllinni, Þingholtsstræti 47. Boðið verður upp á gómsæta og framandi ávexti.

Mótið er haldið í tilefni þess að Skákakademían hefur í sumar frábæra aðstöðu til að halda námskeið fyrir börn og ungmenni og skákviðburði fyrir alla aldurshópa.

Áður en mótið hefst mun Hjörvar Steinn Grétarsson, nítján ára landsliðsmaður í skák, skýra skákir.

Hraðskákmót verður í hádeginu alla föstudaga í júlí og mótið í dag er hið fyrsta í þeirri syrpu. Þátttaka er ókeypis og opin öllum.- bþh