Börsungar gefa áritaða treyju

Barnahjálp Sameinuðu þjóðanna, UNICEF á Íslandi, stendur fyrir happdrætti þar sem einn heppinn þátttakandi fær áritaða treyju Barcelona, knattspyrnuliðsins katalónska. Knattspyrnuliðið gaf landsnefndum UNICEF um allan heim treyjur. Aðeins ein er í boði á Íslandi.

Fimm Börsungar árituðu treyjuna sem ber merki UNICEF. Þeir eru Gerard Pique, Victor Valdés, Xavi Hernandez, Carles Puyol og David Villa. Tilkynnt verður um vinningshafann í EM-kvöldi á RÚV eftir úrslitaleikinn á sunnudaginn.

Hægt er að taka þátt með því að senda smáskilaboð með orðinu „unicef“ í númerið 1900. Hver skilaboð kosta 1.500 krónur og rennur ágóðinn beint til UNICEF.

- bþh